TinyTV 2及TinyTV Mini

作為一個影音發燒友，買電視當然有大買大，不過專出迷你玩具的美國TinyCircuits就在日本眾籌網上推出超細尺寸電視機TinyTV 2及TinyTV Mini，分別用上1吋IPS LCD屏幕及0.6吋OLED屏幕，即係有幾細？大概細過你隻手指頭！其實早在3年前TinyCircuits就推出過第一代的TinyTV，今次第二代產品可視為其升級版，維持復古電視機造型，備有內置記憶體，直接由電腦經轉換程式抄片過去就播得，用PC的話仲可以即時串流畫面，非常過癮。現時兩款產品已在日本眾籌平台Campfire上架，並已達到眾籌目標，對這款玩具有興趣的話不妨去睇睇。